Bugun, 21 aprel kuni Uzbek Tigers jamoasi Rossiyaning Perm shahrida The World Series Boxing (WSB) guruh bosqichining 6-turi doirasida Patriot boxing team jamoasiga qarshi janglarni o'tkazadi.

Sport TV telekanali mazkur qarama-qarshilikni jonli efirda namoyish etishni rejalashtirgan. Janglar Toshkent vaqti bilan soat 20:00da boshlanadi.

O'zbekiston terma jamoasi turnirning keyingi bosqichiga yo'llanmani qo'lga kiritib bo'lgani tufayli Rossiyaga ikkinchi tarkibni yuborgan.

Uzbek Tigers’ning rossiyaliklar vakillariga qarshi ringga chiqadigan bokschilari:

-52 kg: Abror Qodirov — Vyacheslav Tashkarakov
-60 kg: Ulug'bek Do'stmurodov — Konstantin Bogomazov
-69 kg: Odil Aslanov — Artyom Zaytsev
-81 kg: Madiyor Saidrahimov — Pavel Silyagin
+91 kg: Mirzobek Hasanov — Artyom Suslenkov