Afg‘oniston mudofaa vaziri Abdulla Xon Habibiy va quruqlikdagi qo‘shinlar shtabi boshlig‘i Kadam Shox Shahim iste'foga chiqdi. Bu holat “Tolibon” radikal harakati jangarilari mamlakat shimolida joylashgan harbiy bazaga hujum qilishganidan so‘ng yuz berdi. Hujum oqibatida 150dan ortiq kishi halok bo‘ldi, deb xabar bermoqda mamlakat prezidenti kotibiyati.
"Mudofaa vaziri Abdulla Habibiy va quruqlikdagi qo‘shinlar shtabi boshlig‘i Kadam Shox Shahim o‘z lavozimlarini tark etishdi, bunday qaror darhol kuchga kirdi", - deyiladi prezident kotibiyatining Twitter’dagi rasmiy sahifasida joylashtirilgan bayonotda.
Avvalroq Pajvak agentligi o‘tgan jumada afg‘on armiyasi libosida bo‘lgan jangarilar Balx viloyatidagi harbiy baza hududiga bostirib kirishgani haqida xabar bergandi. Hujum uchun mas'uliyatni “Tolibon” harakati o‘z zimmasiga oldi. Wall Street Journal gazetasining afg‘on amaldorlariga asosan xabar berishicha, hujum oqibatida kamida 170 kishi halok bo‘lgan.
