19:08 / 25.04.2017
10105

Tailandda sobiq qirolning kuydirilish sanasi e'lon qilindi

Foto: Thoibao.com

O‘tgan yilning oktabrida vafot etgan Tailandning sobiq qiroli Pumipon Adulyadetni kuydirish marosimi shu yilning 26 oktabr sanasida o‘tkaziladi. Bu haqda mahalliy OAV mamlakat oliy harbiy rahbariyatiga tayangan holda xabar bermoqda.

Hukumatning rasmiy vakili, general-leytenant Sansen Kevkumnedning so‘zlariga ko‘ra, besh kunlik dafn marosimi 25 oktabrda boshlanadi.

OAVning qayd etishicha, Tailand qirollik oilasi vakillarining dafn marosimi keng miqyosli va juda serxarajat tadbir bo‘ladi — so‘nggi marta bunday tadbir mamlakatda 70 yil avval o‘tkazilgan.

Pumipon Adulyadetning o‘g‘li Maxa Vachiralongkon Tailand taxtiga qirol Rama X sifatida o‘tirdi. U 1782 yilda asos solingan Chakri sulolasining o‘ninchi qiroli hisoblanadi.

Mavzuga oid
Top