Turkiya prezidenti Rajab Toyyib Erdo‘g‘an rasmiy tashrif bilan Nyu-Dehliga yetib keldi. Bu haqida "Anadolu" agentligida xabar berildi.
Turk davlat rahbarini yetkazgan TUR xususiy samolyoti mahalliy vaqt bilan soat 16:55 da Hindiston poytaxtiga qo‘ndi.
«Palam» harbiy bazasida Erdo‘g‘anni Hindiston yoshlar va sport vaziri Vijay Goyel, Hindistonning Anqaradagi elchisi Raxul Kulshreshs va Turkiyaning Nyu-Dehlidagi elchisi Shokir O‘zan Torunlar kutib oldi.
Tashrif davomida Turkiya prezidentiga turmush o‘rtog‘i Amina Erdo‘g‘an, Turkiya HK bosh shtabi rahbari general Xulusi Akar, TIV rahbari Mavlud Chovusho‘g‘li, iqtisodiyot vaziri Nihat Zeybekji, energetika va tabiiy resurslar vaziri Barot Olbayroq, madaniyat va turizm vaziri Nabi Avji hamda transport, kemasozlik va kommunikatsiyalar vaziri Ahmad Arslon hamrohlik qilmoqda.
