«Toshkent» seysmostansiyasining ma'lumotiga ko‘ra, 3 may kunining birinchi yarmida, Toshkent vaqti bilan soat 09:47da O‘zbekistonning sharqiy hududlarida kuzatilgan zilzila epimarkazi Tojikiston hududida bo‘ldi.
«Zilzila markazi Toshkent shahrining janubiy-sharqiy yo‘nalishida 295 km uzoqlikda Tojikiston hududiga to‘g‘ri keladi. Epimarkazda qayd etilgan zilzila magnitudasi kuchi 6 ballni tashkil etdi», deyilgan Favqulodda vaziyatlar vazirligi matbuot xizmati xabarida.
Toshkent shahrida zilzila kuchi 3,5-4 ball atrofida bo‘lgan, Farg‘onada 4,5 ball, Andijonda 4 ballik zilzila qayd etilgan.
Zilzila oqibatida jabrlanganlar yo‘q, talofatlar haqida ma'lumotlar kelib tushmagan.
