Idlibning butun provinsiyasi, Latakiya, Halab, Xama, Xoms, Dar'a, Al-Qunaytra provinsiyalarining bir qismi, Damashq chekkasidagi Sharqiy Guta Suriyaning xavfsizlik zonalari sirasiga kiritilgan. Bu haqida Turkiya TIV bayonotida ma'lum qilindi.
"3-4 may kunlari Ostonadagi muzokaralarda kafolatchi-mamlakatlar Idlibning butun provinsiyasi, Latakiya, Halab, Xama, Xoms, Dar'a, Al-Qunaytra provinsiyalarining bir qismi, Damashq chekkasidagi Sharqiy Gutani o‘z ichiga oluvchi Suriyaning deeskalatsiya zonalarini yaratishga doir memorandumni imzolashdi. Deeskalatsiya hududlarining aniq chegaralari uch kafolatchi-mamlakat ishtirokidagi ishchi guruh majlisida belgilanadi", - deyiladi Turkiya tashqi ishlar vazirligida.
Payshanba kuni Ostonadagi muzokaralar ishtirokchilari Suriyaning to‘rt xavfsiz zonasi to‘g‘risidagi memorandumni qabul qildi. Hujjatni kafolatchi-mamlakatlar Rossiya, Eron va Turkiya vakillari imzolashdi.
