Foto: AP
Turkiya adliya vaziri Bakir Bo‘zdak va AQSh bosh prokurori Jyeff Seshns Vashingtonda uchrashuv o‘tkazishdi. Uning davomida muxolifatchi Fathulloh Gulenning hibsga olinishi va ekstraditsiya masalasi muhokama etildi. U 2016 yilning iyulidagi davlat to‘ntarishga urinishni tashkillashtirishda ayblanmoqda.
Anadolu agentligining xabar berishicha, turk tomoni Vashingtonga Gulen tashkilotining jinoiy faoliyati haqida yangi hujjatlarni topshirgan.
AQSh Adliya vazirligi binosida bo‘lib o‘tgan uchrashuv taxminan 45 daqiqa davom etdi.
Shuningdek ta'kidlanishicha, Turkiya prezidenti Rajab Toyyib Erdo‘g‘an AQShda 15-17 may kunlari tashrif bilan bo‘ladi. Amerika yetakchisi Donald Tramp bilan muzokaralardagi mavzulardan biri aynan Gulenni topshirish bo‘ladi.
