Shavkat Mirziyoyev Turkmanistonning "Avaza"sida dam olayotgan o'zbekistonlik bolalar bilan uchrashdi

O'zbekiston 20 May 2017 20501
Фото: ЎзА

O'zbekiston Respublikasi Prezidenti Shavkat Mirziyoyev Turkmanistonga amaliy tashrifi davomida "Avaza" milliy sayyohlik zonasining "Kamalak" bolalar ko'ngilochar bog'ida o'zbekistonlik bolalar bilan uchrashdi. Bu haqda O'zA maxsus muxbiri Abu Bakir O'rozov xabar qildi.

Joriy yilning may oyi boshida O'zbekiston Prezidenti Shavkat Mirziyoyev bilan Turkmaniston Prezidenti Gurbanguli Berdimuhamedovning telefon orqali muloqotida Turkmaniston Prezidenti Kaspiy sohilidagi bolalar sog'lomlashtirish markazlari o'zbekistonlik bolalarni qabul qilishga tayyorligini bildirgan edi.

Mazkur taklifga binoan Qoraqalpog'iston Respublikasi, Buxoro, Navoiy va Xorazm viloyatlaridan 100 nafar bola “Dayanch” bolalar sog'lomlashtirish markaziga yuborildi. Shavkat Mirziyoyev bolalar bilan dam olish taassurotlari, turkmanistonlik tengdoshlari bilan do'stlik munosabatlari to'g'risida suhbatlashdi, sog'lomlashtirish markazida yaratilgan sharoitlar bilan tanishdi.

Shavkat Mirziyoyev markazga tashrifi davomida bolalarga sovg'alar ulashdi.

O'zbekiston Respublikasi Prezidenti Shavkat Mirziyoyevning Turkmanistonga amaliy tashrifi davom etmoqda.

Ko'proq yangiliklar: