«Manchester Siti»ni himoyachi Gael Klishi, darvozabon Villi Kabalero va yarimhimoyachi Xesus Navas tark etadigan bo‘ldi. Bu haqda «shaharliklar» rasmiy sayti xabar tarqatdi.
Gael Klishi «Manchester Siti» tarkibida 2011 yildan buyon ishtirok etib kelayotgan bo‘lsa, Kabalero va Navas 2013 yilda Manuel Pellegrini bilan birga jamoaga kelgandi.
Klishi 200dan ortiq uchrashuv o‘tkazgan, Navas 100dan ortiq uchrashuvda maydonga tushgan, Kabalero 48 o‘yinda ishtirok etgan.
Bu uch futbolchi ham yozgi transferga qo‘yiladi, ularga talabgor jamoalar hozircha ma'lum emas.
