O‘zbekiston Respublikasi Vazirlar Mahkamasining 2012 yil 15 martdagi 72-son qarori bilan tasdiqlangan "Audiovizual asarlarni, fonogrammalar va EHM uchun yaratilgan dasturlarni takrorlash, sotish, prokatga berish, shuningdek fonogrammalarni tayyorlash bo‘yicha faoliyat turlarini litsenziyalash to‘g‘risida Nizom” hamda Lisenziatlar bilan tuzilgan bitimining 3-bandiga muvofiq Lisenziat, EHM uchun yaratilgan dasturlarni takrorlash, sotish va prokatga berish faoliyatini amalga oshirishda mualliflik huquqi va turdosh huquqlar to‘g‘risidagi qonun hujjatlariga majburiy rioya qilinishini hamda zo‘ravonlikni, pornografiyani, mamlakat xavfsizligi va ijtimoiy-siyosiy barqarorlikni, fuqarolar tinchligini, millatlararo va dinlararo totuvlikni buzishni, O‘zbekiston to‘g‘risida noto‘g‘ri axborotlar tarqatilishini hamda uning tarixiy, madaniy va ma'naviy boyliklari buzib ko‘rsatilishini targ‘ib qiluvchi EHM uchun yaratilgan dasturlarni sotishga yo‘l qo‘ymaslikni ta'minlashi belgilab qo‘yilgan.
Axborot va ommaviy kommunikatsiyalar sohasidagi Ekspert komissiyasining 2017 yil 25 yanvardagi 1-son bayonnomasi bilan "O‘zbekiston Respublikasi hududiga olib kirish, tayyorlash va tarqatish tavsiya etilmaydigan kompyuter o‘yinlari ro‘yxati” tasdiqlangan. Shu maqsadda axborot va ommaviy kommunikatsiyalar sohasida faoliyat yurituvchi barcha lisenziatlar nomlari quyidagi jadvalda keltirilgan kompyuter o‘yinlari nusxalarining tayyorlanishi, tarqatilishi va prokatga berilishiga yo‘l qo‘ymasdan faoliyat olib borishlari talab etiladi.
O‘zbekiston Respublikasi hududiga olib kirish, tayyorlash va tarqatish tavsiya etilmaydigan kompyuter o‘yinlari ro‘yxati
1. Postal 2
2. Phantasmagoria Fantasmagoriya
3. Grand Theft Auto: San Andreas
4. Carmageddon
5. Mass effect
6. Dead space
7. Naughty bear
8. Mafia II
9. Call of duty: Black ops
10. Kane and Leanch 2: Dog days
11. Castlevania: Lords of Shadow
12. Assasin's Creed: Brotherhood
13. Fallout: New Vegas
14. Dead Rising
15. Manhunt
16. Mortal Kombat X
17. Manhunt II
18. Left 4 Dead 1,2,3
19. Doom 3,4
20. Hitman
21. Resident evil 4
22. SOMA
23. Silent Hill
24. Until down
25. Hatred
26. Dying light
27. Dead by Daylight
28. Prototype
29. The Punisher
30. Bone Town
31. Lula 3d
32. 3D Sex Villa 2
33. The Sims 3,4
34. Shadow Warrior
Ta'kidlash joizki, bu o‘yinlardan aksariyati 5-7 yil avval chiqarilgan va o‘z davrida ommalashgan. Bugungi kunda bu o‘yinlar kompyuter o‘yinlari ixlosmandlari xush ko‘ruvchi o‘yinlar sirasiga kirmaydi. Boz ustiga, "qora ro‘yxat"ga kiritilgan bu o‘yinlardan aksariyatining "beshafqatroq" yangi variantlari yaratilgan va afsuski, bu o‘yinlar ro‘yxatga kiritilmagan.
