Istanbulda Yeni Akit gazetasi bosh muharriri Qodir Demirel pichoq bilan yetkazilgan jarohatdan halok bo‘ldi. Anadolu axborot agentligining ma'lum qilishicha, Demirel kuyovi bilan nizo davomida u tomondan o‘ldirilgan.
Mavjud ma'lumotlarga ko‘ra, Demirel o‘zining qizi Esma va uning turmush o‘rtog‘i Jamil Yovuz Karanfil bilan nizolashib qolgan. Mojaro vaqtida kuyov qaynotasi va qaynonasiga pichoq bilan zarba bergan. Shuningdek, mojaro vaqtida Demirelning qiziga ham shikast yetgan.
Demirel olingan jarorhatlardan jon bergan, uning qizi og‘ir ahvolda shifoxonaga yetkazilgan va operatsiya qilingan.
Ayni vaqtda politsiya voqea joyida ish olib bormoqda. Voqea joyidan qochib ketgan qotil kuyov qidiruvga berilgan.
