Qirg‘izistondagi Toktogul GESiga 330 tonnalik transformator olib kelinmoqda. Bu haqda «24.kg» xabar berdi.
Ma'lumotlarga ko‘ra, nominal quvvati 425 ming kVA bo‘lgan SSP-425 000/500 turidagi transformator Qirg‘izistonning eng yirik GESlaridan biriga eski transformatorni almashtirish maqsadida olib kelinadi.
Ma'lum qilinishicha, uskuna Xitoyda ishlab chiqarilgan. U Xitoydan Qozog‘iston orqali olib kelinmoqda, keyinchalk Talas vodiysi orqali Toktogul GESiga keltiriladi.
Kelajakda yana uchta shunday transformatorni olib kelish rejalashtirilgan.