IShID terrorchi guruhi o‘z tarafdorlariga pasport berishni yo‘lga qo‘ydi. Daily Mail shunday xabar berdi.
Hujjat shakli Raqqani ozod qilishda olib borilgan jang paytida Suriyaning qurollangan muxolifati qo‘liga tushgan.
Yuqori poligrafik darajada ishlangan hujjatda arab va ingliz tillarida Qur'ondan parchalar keltirilgan. Ular IShID tarafdorlarini xudkushlar kamari yoki minalashtirilgan avtomobillardan foydalanib terakt sodir etishga chaqirishmoqda. Pasport egasiga shu ishlardan keyin "jannat" va'da qilinmoqda.
Hujjatda shaxsiy ma'lumotlar uchun joy ajratilmagan.
Foto: Daily Mail
Raqqa — Suriyaning IShID jangarilari tomonidan o‘ralgan shahri, terrorchi tashkilot poytaxti. Shaharni ozod qilish AQSh boshchiligidagi xalqaro aksilterror koalitsiyaning bosh maqsadlaridan biridir.
