2017 yilning 29 iyun kuni Toshkent shahri hududida 6 ta yo‘l-transport hodisasi qayd etilgan. Mazkur yo‘l-transport hodisasida 7 nafar shaxslar tan jarohati olgan, vafot etganlar yo‘q. Bu haqda shahar IIBB xabar berdi.
Toshkent shahar IIBB YHXB YPX inspektorlari tomonidan 2017 yilning 29 iyun kuni jami 2929 ta huquqbuzarliklar bo‘yicha ma'muriy bayonnomalar rasmiylashtirilgan bo‘lib, shulardan, 1027 tasini qo‘pol turdagi, 26 tasini mast holda transport vositasini boshqarish tashkil etgan.
Toshkent shahar IIBB YHXB kompyuterlashtirilgan boshqaruv tizimi tomonidan 2017 yil 29 iyun kuni jami 938 ta huquqbuzarliklar qayd etilgan bo‘lib, shulardan 461 tasini svetoforning taqiqlovchi chirog‘iga bo‘ysunmasdan harakatlanish, 477 tasini belgilangan me'yordan yuqori tezlikda harakatlanish tashkil etadi.
