Ukraina Mudofaa vazirligi 2014 yilda Donbass hududida boshlangan qurolli mojarolar talafotlarini hisoblab chiqdi. Ma'lum qilinishicha, o‘tgan vaqt mobaynida 2,7 ming nafar ukrainalik askar qurolli to‘qnashuvlar qurboniga aylangan.
Vazir o‘rinbosari Ivan Rusnakning ma'lum qilishicha, Ukrainaning Donbassdagi vaziyat tufayli yo‘qotgan to‘g‘ridan-to‘g‘ri moddiy talofatlari miqdori 50 milliard dollarni tashkil etadi.
«Dastlabki ma'lumotlarga ko‘ra, Ukrainaning yo‘qotishlari 50 milliard dollar», — degan Rusnak.
U 2014 yil boshidan buyon jang maydonlarida 2,7 ming nafardan ortiq harbiy xizmatchi halok bo‘lib, o‘n mingdan ortiq kishi jarohatlangani haqida ta'kidlab o‘tgan.
