O‘zbekistonning xorijda bo‘lib turgan va eski pasportga ega bo‘lgan fuqarolari ushbu shaxsni tasdiqlovchi hujjatlarni 2018 yil 1 iyulga qadar biometrik namunaga almashtirib olishlari mumkin. Bu haqda O‘zbekiston Tashqi ishlar vaziri Abdulaziz Komilov Xalqaro Press-klubda bo‘lib o‘tgan jonli muloqot chog‘ida bayonot berdi.
«TIV tashabbusi bilan xorijda istiqomat qilayotgan va o‘z vaqtida pasportlarini biometrik pasportlarga almashtirishga ulgurmagan fuqarolar uchun eski pasportlarning amal qilish muddati 2018 yil 1 iyulga qadar uzaytirildi», - dedi Abdulaziz Komilov.
Uning aytishicha, endilikda, xorijdagi o‘zbekistonliklar eski pasportlardan vatanlariga qaytishda rasmiy o‘tish hujjati sifatida foydalanishlari mumkin.
