09:48 / 17.07.2017
7454

«Oskar» mukofoti sohibi Martin Landau vafot etdi

Foto: The Hollywood Reporter

Amerikalik taniqli aktyor Martin Landau 90 yoshida hayotdan ko‘z yumdi. U 1995 yilda «Oskar» mukofotini «Ikkinchi plandagi eng yaxshi rol» yo‘nalishida qo‘lga kiritgandi, deb xabar bermoqda The Hollywood Reporter.

Aktyor vakilining xabar berishicha, Landau Kaliforniyadagi Ronald Reygan tibbiy markazidan chiqqach, «kutilmagan asoratlardan» vafot etgan.

Landau Bruklinda 1928 yilning 20 iyun kuni tug‘ilgan. U o‘ttizdan ortiq filmlarda suratga tushgan. Ular orasida: «Shimoli-g‘arb orqali shimolga», «Payraha», «Mudrab yotgan jarlik» kabilar bor.

Landau «Oskar» mukofotini esa «Ed Vud» filmidagi roli uchun olgandi.

Mavzuga oid
Top