11:25 / 17.07.2017
13913

Ronaldu «Manchester Yunayted» va «Barselona»ga qarshi o‘yinlarni o‘tkazib yuboradi

«Real» hujumchisi Krishtianu Ronalduning jamoadagi keyingi o‘yini 13 avgust kuni «Barselona»ga qarshi bo‘ladi. Kataloniyaliklar jamoasiga qarshi bu o‘yin Ispaniya Superkubogi uchun bo‘lib o‘tadi.

Marca xabariga ko‘ra, madridliklar jamoasi bosh murabbiyi Zayniddin Zidan Konfederatsiyalar kubogidagi ishtiroki tufayli Krishtianu Ronalduga dam berishga qaror qilgan.

Joriy haftada 32 yoshli bu futbolchi Madridda tibbiy ko‘rikdan o‘tadi, shundan keyin ta'tilga yo‘l oladi, bu vaqtda uning reklama tadbirlari ham o‘tkaziladi.

Krishtianu iyul oyi oxirida mashg‘ulotlarga kirishadi. Shu tariqa u 30 iyul kuni «Barselona»ga qarshi Xalqaro chempionlar kubogi doirasida o‘tkaziladigan uchrashuvni o‘tkazib yuboradi. U shuningdek, 8 avgust kuni UYeFA Superkubogi uchun «Manchester Yunayted»ga qarshi kechadigan o‘yinda maydonga tushmaydi. Bu vaqtda hali u jismoniy formasini to‘la tiklamagan bo‘ladi. Bundan tashqari ushbu portugaliyalik futbolchi 31 iyul kuni sudda bo‘ladi.

Ronaldu 13 avgust kuni Ispaniya Superkubogi uchun «Barselona»ga qarshi o‘yinga tayyor bo‘ladi.

Top