«Barselona» klubi matbuot kotibi Xosep Vives klub Neymarni sotish niyatida emasligini ma'lum qildi.
«Biz Neymar «Barselona»da qolib, jamoa rivojiga yordam berishda davom etishini istaymiz. U dunyodagi eng zo‘r futbolchilardan biridir. Biz uning transferi bo‘yicha takliflarni ko‘rib ham chiqmaymiz», – degan Vives.
Bundan avvalroq, ushbu futbolchi Lionel Messi soyasida qolib ketayotgani tufayli kataloniyaliklar klubidan ketishi haqida xabarlar tarqalgandi.
Keyinroq «PSJ» «Barselona»dan Neymarni 222 million yevroga transfer qilmoqchiligi haqida xabar paydo bo‘ldi.
Yakunlangan mavsumda Neymar «Barselona»ning barcha turnirlar doirasidagi 41 uchrashuvida maydonga tushib, 20 gol urgan va 27 golga uzatma bergan.
