Toshkent shahrining Mirobod tumanida noma'lum shaxs Sayxun ko‘chasida yashovchi, 1984 yilda tug‘ilgan B.S. ning uyiga erkin yo‘l orqali kirib, yotoqxonasidagi shkaf ichidan umumiy qiymati 8.250.000 so‘mlik 5 turdagi sariq metalldan yasalgan zargarlik buyumlarini o‘g‘irlab ketgan. Bu haqda O‘zbekiston Respublikasi IIV matbuot xizmati xabar bermoqda.
Ma'lum bo‘lishicha, ushbu jinoyatni 21 yoshli yigit va 20 yoshli qiz sodir etgan ekan. Ya'ni, bu shaxslar Farg‘ona tumanida yashovchi F.Yu va Sirdaryo tumanida yashovchi Z.T lar ekanligi aniqlanib, ushlandi.
Mazkur holat yuzasidan O‘zbekiston Respublikasi Jinoyat Kodeksining 169-moddasi 2-qismi bilan jinoyat ishi qo‘zg‘atilgan.
