Giyohvandlik vositalari yoki psixotrop moddalar bilan qonunga xilof ravishda muomala qilishga qarshi kurash borasida olib borilgan tezkor tadbirlar natijasida 14-20 iyul kunlari oralig‘ida 20 ta holat aniqlangan. Toshkent shahar IIBB rasmiy vakili D.Toshxo‘jayevning ma'lum qilishicha, bu raqam yil boshidan 707 tani, oy boshidan 59 tani tashkil etgan.
Ta'kidlanishicha, Toshkent shahriga kirib kelish postlarida giyohvandlik vositalari bilan qonunga xilof ravishda muomala qilish bilan bog‘liq jinoyatlar yil boshidan 118 tani, oy boshidan 10 ta va hafta mobaynida 3 tadan iborat bo‘lgan.
Shu bilan birga, hafta davomida 736 gramm, oy boshidan – 11 kg 038 gramm, yil boshidan esa 51 kg 244 gramm giyohvandlik vositalari musodara qilingan.
