Tadbirkor Ilon Mask o‘z tvitterida Facebook rahbari Mark Tsukerbergning sun'iy idrokka tegishli pozitsiyasini qoralab chiqdi. Bu haqda The Verge xabar bermoqda.
Tsukerberg Facebook Live jonli translyatsiyasi vaqtida Maskning sun'iy idrok tufayli oxirzamon yuz berishi haqidagi fikrlarini “mas'uliyatsiz” deb atagan. Uning ma'lum qilishicha, ancha ijobiy fikrlarga ega, sababi, sun'iy idrok inson hayotini faqatgina yaxshilashiga ishonadi.
Mask bu bayonotga darhol javob qaytardi. “Bu mavzuni Mark bilan muhokama qildim. Uning vaziyatni tushunishi yuzaki”, - deya yozdi milliarder tvitterdagi sahifasida.
Avvalroq Tsukerberg Maskning "oxirzamon" haqidagi so‘zlariga munosabat bildirgani xabar qilingandi. 17 iyul kuni esa Ilon Mask insoniyatga eng katta tahdid nima ekanini aytgandi.
