O‘zbekiston Prezidenti Shavkat Mirziyoyev 2017 yilning 24 iyul kuni “O‘zgeorangmetliti” DUKni Davlat arxitektura qo‘mitasidan Davlat geologiya qo‘mitasi tizimiga o‘tkazdi.
O‘zbekiston rahbari “Rudali foydali qazilma konlarini sanoatda o‘zlashtirish sohasida ilmiy-tadqiqot va loyiha-qidiruv ishlarini boshqarishni takomillashtirish choralari to‘g‘risida”gi qarorni imzoladi.
Qaror bilan “O‘zgeorangmetliti” DUKning asosiy vazifalari va faoliyati yo‘nalishlari tasdiqlandi.
Korxona tog‘-kon va metall sanoati obektlari uchun rudali foydali qazilmalarni, birinchi navbatda, qimmatbaho va rangli metallar, shuningdek, uranni qazib olish va qayta ishlash bo‘yicha loyihadan avvalgi va loyiha-qidiruv hujjatlarini ishlab chiqish bilan shug‘ullanadi.
“O‘zgeorangmetliti” DUK murakkab tog‘-geologiya sharoitlariga ega konlarni jahon ilm-fani va amaliyoti muvaffaqiyatlarini tahlil qilish asosida kompleks o‘zlashtirish sohasida samarali loyiha qarorlarini ishlab chiqadi.
Korxona mineral xomashyoni qazib olish va kompleks qayta ishlash texnologiyasi sohasida amaliy va innovatsion ilmiy-tadqiqot ishlarini olib boradi.