Odessa viloyati sobiq gubernatori, Gruziya sobiq prezidenti Mixail Saakashvilining ma'lum qilishicha, AQSh yoki boshqa davlatlardan boshpana so‘ramaydi hamda Ukrainaga siyosiy kurashni davom ettirish uchun qaytib kelish niyatida. Bu haqda RIA «Novosti» xabar bermoqda. Eslatib o‘tamiz, Saakashvili Ukraina fuqaroligidan mahrum etilgan.
«Men AQSh yoki istalgan boshqa davlatning himoyasidan foydalanmoqchi emasman, men Ukrainaga qaytib kelish niyatidaman hamda bizning faollarimiz qo‘llab-quvvatloviga umid qilmoqdaman», - dedi Saakashvili videoaloqa bo‘yicha matbuot anjumanida.
Shu bilan birga, u qaytish muddatini keyinroq ma'lum qilishga va'da berib, maxfiy tarzda emas, balki oshkora qaytib kelmoqchi ekanini qo‘shimcha qilib o‘tdi.
Avvalroq Saakashvili Poroshenkoni Ukraina prezidenti lavozimidan chetlatish bilan tahdid qilgandi.
