Venesuela prezidenti Nikolas Maduro joriy yilning yozida mamlakat tashqi ishlar vazirligiga ikkinchi marotaba yangi rahbar tayinladi, deb xabar bermoqda El Nacional.
Yaqinda ushbu lavozimga tayinlangan Samuel Monkada o‘rnini endilikda Xorxe Arreasa egallaydi.
Monkada 2017 yilning iyunida milliy ta'sis yig‘ilishiga nomzod bo‘lgan Delsi Rodriges o‘rniga Venesuela tashqi ishlar vaziri bo‘lgandi.
Xorxe Arreasa esa bundan avval tog‘-kon sanoatining ekologik rivojlanish bo‘yicha vazir lavozimini egallagan. Shuningdek, Arreasa o‘z faoliyati davomida vitse-prezident, Venesuela ta'lim vaziri va ilm-fan vaziri sifatida ham ishlagan.
Avvalroq Kuba Venesuelaga qarshi xalqaro amaliyot boshlanganini ma'lum qilgandi.
