Boks bo‘yicha Osiyo chempionatida 9 ta oltin medalni qo‘lga kiritgan, yakunda ishtirokchi bokschilarining barcha — 10 nafari Jahon chempionatiga yo‘llanma olgan O‘zbekiston terma jamoasi 6 avgust oqshomida Germaniyaga jo‘nab ketdi.
25 avgust kuni Gamburg shahrida Jahon chempionati start oladi. Oldindagi 18 kun davomida o‘zbekistonlik bokschilar Germaniyaning o‘zida mundialga tayyorgarlik ko‘radi.
Boks federatsiyasi faqatgina yo‘llanmani qo‘lga kiritgan 10 bokschi emas, balki ularga o‘rinbosar bo‘lishi kutilayotgan zaxira bokschilariga ham Germaniyaga tashrif buyurish imkoniyatini yaratib bergan. Asosiy tarkib vakillari sparring raqiblar bilan tayyorlanadi.
O‘zbekiston termasi
1. Hasanboy Do‘stmatov (1993 y)
2. Jasur Latipov (1991 y)
3. Murod Ahmadaliyev (1994 y)
4. Elnur Abduraimov (1994 y)
5. Iqbol Xoldorov (1997 y)
6. Shahram G‘iyosov (1993 y)
7. Isroil Madrimov (1995 y)
8. Bektemir Meliqo‘ziyev ( 1996 y)
9. Sanjar Tursunov (1998 y)
10. Bahodir Jalolov (1994 y)
Sparring raqiblar:
11. Mironshoh Ibragimov (1996 y)
12. Abrorjon Qodirov (1995 y)
13. Abdulhay Shorahmatov (1996 y)
14. Sherbek Rahmatullayev (1996 y)
15. Aliyor Noraliyev (1995 y)
16. Bobo-Usmon Boturov (1994 y)
17. Mahmud G‘oyipov (1996 y)
18. Madiyor Saidrahimov (1997 y)
19. Mirzobek Hasanov (1993 y)
20. Rustam Ismoilov (1993 y).
