Tadbirkorlar va ishbilarmonlar harakati - O‘zbekiston Liberal - demokratik partiyasi har kuni ertalab soat 10:00 dan 11:00 ga qadar fuqarolar bilan deputatlarning onlayn muloqotini yo‘lga qo‘ydi. To‘g‘ridan-to‘g‘ri videomuloqot Facebook ijtimoiy tarmog‘idagi «UzLiDeP muhokamaga chorlaydi» guruhida o‘tkaziladi.
Unda Oliy Majlis Qonunchilik palatasidagi O‘zLiDeP fraksiyasi a'zolari fuqarolarni qiziqtirayotgan savollarga javob berishadi.
Deputatga fuqarolar, xususan tadbirkor, ishbilarmon va fermerlar o‘z takliflari, muammoli masalalarini Facebook ijtimoiy tarmog‘idagi «UzLiDeP muhokamaga chorlaydi» guruhiga yoki Telegram dagi «Deputatga savol yo‘llang» guruhiga matn, audio va video shaklida yo‘llashlari mumkin.
