O‘zbekiston Respublikasi Prezidenti Shavkat Mirziyoyev Hindiston Respublikasi Prezidenti Ram Natx Kovindga maktub yo‘lladi. Bu TIV matbuot xizmati xabar berdi.
Mazkur maktubda “kuchli suv toshqinlari hamda Uttar-Pradesh shtatida sodir bo‘lgan temir yo‘l halokati oqibatida ko‘plab insonlarning qurbon bo‘lgani va jarohat olgani haqidagi xabar bizni qattiq qayg‘uga soldi” deyilgan.
Davlat rahbari Prezidentga va birodar Hindiston xalqiga chuqur ta'ziya va hamdardlik bildirdi, nobud bo‘lganlarning oila a'zolariga hamda yaqinlariga sabr-toqat va bardamlik, jarohat olganlarga esa tez fursatlarda sog‘ayib ketishni tiladi.
