Zimbabve prezidenti Robert Mugabening rafiqasi Greys JARdan model qizni kaltaklash bilan bog‘liq mojarodan so‘ng mamlakatga qaytib keldi, deb xabar bermoqda Associated Press.
Tergov taxminiga ko‘ra, 13 avgust kuni Yoxannesburgdagi mehmonxonada bo‘lgan Greys Mugabe 20 yoshli model qiz Gabriella Engelsni simni uzaytirgich bilan kaltaklagan.
Jabrlanganning boshida va butun tanasi bo‘ylab jarohatlar qayd qilingan. Greys qizni kaltaklash ayblovi bo‘yicha sud oldida javob berishi taxmin qilingandi.
Ta'kidlanishicha, uni aeroportda hukumat a'zolari va harbiylar kutib olgan. U JARning Pretoriya shahrida Janubiy Afrika yetakchilari sammitida qatnashgan turmush o‘rtog‘i Robert Mugabe bilan birga qaytib kelgan.
