Qirg‘iziston prezidenti devonining rahbari Sapar Isoqov parlamentdagi koalitsion ko‘pchilikdan bosh vazir lavozimiga nomzod sifatida ko‘rsatildi, deb xabar bermoqda RIA «Novosti».
Isoqov koalitsiya yig‘ilishi davomida Milliy bank rahbari To‘lqinbek Abdigulovga bosh vazir o‘rinbosari, Xavfsizlik kengashi rahbari Temir Jumaqodirovga – kuch blokiga javob beruvchi bosh vazir o‘rinbosari, Davlat energiya kompaniyasi rahbari Duyshenbek Zilaliyevga – iqtisodiy masalalar bo‘yicha bosh vazir o‘rinbosari lavozimini taklif qildi. Shuningdek, mamlakat prezidenti devonining moliyaviy-iqtisodiy tahlil va rivojlanishni monitoring qilish bo‘yicha rahbar Artyom Novikovga iqtisodiyot vazirligi rahbari lavozimi taklif etilgan.
Uning so‘zlariga ko‘ra, tashqi ishlar vaziri Erlan Abdildayev va IIV rahbari Ulan Isroilov o‘z lavozimini saqlab qoladi.
Avvalroq O‘zbekiston Prezidenti Shavkat Mirziyoyev Qirg‘izistonga tashrif buyurishi xabar berilgandi.
