Ehtimol, siz o‘tgan yozda Pol Pogbaning «Manchester Yunayted»ga o‘tishini megatransfer sifatida qabul qilgansiz. Neymarning «PSJ»ga o‘tishi bilan siz endi bunday fikrlamay qo‘yganingiz aniq. Parij klubi Pogbaga to‘langan rekord qiymatni birdaniga 2 barobarga oshirib, braziliyalik uchun 222 mln yevro to‘ladi. «Barselona» esa bu pullarni qayerga ishlatishni ko‘p ham o‘ylab o‘tirmay, yirikligi bo‘yicha tarixdagi 2-raqamli transferni amalga oshirdi va Dortmundning «Borussiya»sidan Usmon Dembeleni xarid qildi. Bu borada Angliya premer-ligasi ham ortda qolmaslikka harakat qilmoqda.
Quyida futbol tarixidagi 15 ta eng qimmatbaho transfer reytingi keltirilgan. Reyting past ko‘rsatkichdan yuqori ko‘rsatkich tomon tuzilgan.
15. Kaka, 2009 yil, «Milan» (futbolchining avvalgi klubi) – «Real Madrid» (yangi klubi), 65 mln yevro
14. Zlatan Ibrohimovich, 2009 yil, «Inter» – «Barselona», 69.5 mln yevro
13. Zinedin Zidan, 2001 yil, «Yuventus» – «Real Madrid», 73,5 mln yevro
12. Kevin De Bryuyne, 2015 yil, «Volfsburg» – «Manchester Siti», 74 mln yevro
10-11. Xames Rodriges, 2014 yil, «Monako» – «Real Madrid», 75 mln yevro
10-11. Anxel Di Mariya, 2014 yil, «Real Madrid» – «Manchester Yunayted», 75 mln yevro
9. Luis Suares, 2014 yil, «Liverpul» – «Barselona», 81,72 mln yevro
8. Romelu Lukaku, 2017 yil, «Everton» – «Manchester Yunayted», 84.7 mln yevro
7. Neymar, 2013 yil, «Santos» – «Barselona», 88,2 mln yevro
6. Gonsalo Iguain, 2016 yil, «Napoli» – «Yuventus», 90 mln yevro
5. Krishtianu Ronaldu, 2009 yil, «Manchester Yunayted» – «Real Madrid», 94 mln yevro
4. Garet Beyl, 2013 yil, «Tottenxem» – «Real Madrid», 101 mln yevro
2-3. Pol Pogba, 2016 yil, «Yuventus» – «Manchester Yunayted», 105 mln yevro
2-3. Usmon Dembele, 2017 yil, «Borussiya» D – «Barselona», 105 mln yevro + bonuslar
1. Neymar, 2017 yil, «Barselona» – «PSJ», 222 mln yevro