Yaponiya bosh vaziri Sindzo Abe va Janubiy Koreya prezidenti Mun Chje In telefon muloqoti o‘tkazib, uning doirasida KXDRning so‘nggi yadro sinovini muhokama qilishdi. Bu haqda «Ryonxap» agentligi xabar bermoqda.
Davlatlar yetakchilari yanada qat'iy javob choralariga, jumladan BMT Xavfsizlik Kengashining Shimoliy Koreyaga nisbatan yangi rezolyutsiyasiga erishish haqida kelishib olganlar.
Telefon muloqoti 20 daqiqa davom etgan.
Avvalroq Kyodo agentligi Yaponiya va AQSh yetakchilari bir kun ichida ikkinchi marta Shimoliy Koreyani muhokama qilishgani haqida xabar bergandi.
