NATO alyansining Neapoldagi birlashgan kuchlari qarorgohida janubiy yo‘nalishda vaziyatni tahlil qilish va axborot almashish muvofiqlashtiruvchi markazi o‘z ishini boshladi. Bu haqda ANSA agentligi xabar qilmoqda.
Xabarlarga ko‘ra, yangi tuzilma axborot to‘plash, almashish va tahlil qilish, tahdidlarni baholash, shuningdek, janubiy yo‘nalishda harakatlarni muvofiqlashtirish bilan shug‘ullanadi.
NATO bosh kotibi Yyens Stoltenbergning ma'lum qilishicha, yangi markaz "tahlil qiliish va axborot almashish yo‘li bilan mintaqadagi vaziyat, tahdid va imkoniyatlarni yaxshiroq anglashga imkon beradi".
Bu tuzilmani tashkil etish qarori shu yilning fevral oyida NATO mamlakatlari mudofaa vazirlari kengashi yig‘ilishida qabul qilingan edi. Uning faoliyatini 100 nafar mutaxassis olib boradi.
