«Oskar» mukofoti sovrindori, hujjatli filmlar rejissyori Myurrey Lerner hayotdan ko‘z yumdi. Variety shu haqida xabar berdi.
Lerner 90 yoshda o‘zining Nyu-Yorkdagi uyida vafot etdi. O‘lim sababi sifatida buyraklar sohasidagi muammolar keltirilgan.
Myurrey Lerner musiqiy kartinalari bilan mashhur. U Bob Dilan, Jimi Xendriks, The Doors guruhining chiqishlarini tasvirga olgan.
Rejissyor «Maodan Motsartgacha: Isaak Stern Xitoyda» filmi uchun nufuzli «Oskar» mukofotini qo‘lga kiritgan.
Lernerning do‘sti va prodyuser Martin Lyuis uni "zamonamizning eng yetuk musiqiy hujjatli filmlar yaratuvchisi" sifatida e'tirof etdi.
