O'zbekiston Respublikasi Prezidentining 2017 yil 15 avgust kunidagi PF-5155-sonli Farmoni talablariga asosan, mamlakatda doimiy yashovchi 118 nafar fuqaroligi bo'lmagan shaxslarga O'zbekiston Respublikasi fuqaroligi berilib, shulardan 43 nafari Toshkent shahrida istiqomat qiluvchi fuqaroligi bo'lmagan shaxslardir. Bu haqda poytaxt IIBB xabar berdi.

Joriy yilning 13 sentabr kuni Toshkent shahar hokimligi va Toshkent shahar Ichki ishlar Bosh boshqarmasi rahbariyatining tashabbusi bilan O'zbekiston Respublikasi fuqaroligini 43 nafar shaxsga, O'zbekiston Respublikasi fuqarosining biometrik pasportlarini tantanali ravishda, ommaviy axborot vositalarida yoritilgan holda topshirish ishlari amalga oshirildi.