Fransiya chempionatining 7-turidan o‘rin olgan markaziy uchrashuvlardan biri Lillda bo‘lib o‘tdi. Unda mezbonlar «Lill» amaldagi chempion «Monako»ni qabul qildi.
Birinchi bo‘limda Stefan Yovetich va Rashid Gezzal monegaskliklar tarkibida ilk gollarini kiritib 2:0 hisobini ta'minlagan bo‘lsa, ikkinchi bo‘limda Radamel Falkao navbatdagi dublini rasmiylashtirdi va 7 uchrashuvda kiritgan gollari sonini 11taga yetkazib oldi va jamoasiga navbatdagi g‘alabani taqdim etdi.
Ushub g‘alabadan keyin «Monako» hisobidagi ochkolar soni 18taga yetdi va jamoa «PSJ»ga yetib oldi. Biroq parijliklar yettinchi uchrashuvini endi o‘tkazishadi.
Fransiya chempionati, 7-tur
Lill – Monako 0:4 (0:2)
Gollar: Yovetich (24), Gezzal (30), Falkao (48, 73, penalti).
Lill: Menyan, Kuame, Alonso, Ie, El-Gazi (Baluli, 57), Amadu, Pepe, Bissuma, Luis Araujo (Faraj, 46), Tiago Mayya, Benziya (Ponse, 69).
Monako: Benalo, Glik, Jorjye, Ture, Jyemerson, Fabino, Moutinyu, Lopesh, Gezzal (Lemar, 79), Falkao (Karrilo, 85), Yovetich (Diakabi, 66).
Ogohlantirishlar: Gezzal (60), Jyemerson (70), Ponse (88).
