Saudiya Arabistonida ayollarga haydovchilik guvohnomalari olishga ruxsat berildi. Bu haqdagi qarorni qirol Salmon bin Abdulaziz Al Saud qabul qildi.
SPA axborot agentligining ta'kidlashicha, ayollarning mashina haydash huquqi shariat qonunlariga ko‘ra amalga oshiriladi. Shu bilan birga qirollik hukumati ayollarga avtomobilni boshqarishga taqiqlovning bekor qilinishining “ijobiy tomonlari”ni ko‘rsatgan.
Saudiya Arabistonida ayollarga mashinani haydashga rasman taqiqlov mavjud bo‘lmagan, biroq haydovchilik guvohnomasini faqatgina erkaklar olishlari mumkin bo‘lgan. Agar jamoat joylarida mashina haydayotgan ayol payqalsa, u hibsga olinishi yoki yirik miqdorda jarimaga tortilishi mumkin bo‘lgan.
Saudiya Arabistonida oxirgi yillar ijtimoiy tarmoqlarda ushbu taqiqlovga qarshi norozilik aksiyalari bo‘lib o‘tgan.
