O‘zbekiston Ichki ishlar vazirligi tizimida bir qator yangi lavozim tayinlovlari amalga oshirildi. Bu haqda “Postda” gazetasi xabar bermoqda.
Xususan, polkovnik Sabirjan Irisbekov – IIV Akademiyasi boshlig‘ining o‘rinbosari – Kadrlar boshqarmasi boshlig‘i lavozimiga,
podpolkovnik Rajabboy Otajonov – IIV Akademiyasi boshlig‘ining saf qismi bo‘yicha o‘rinbosari lavozimiga,
podpolkovnik Nabijon Hazratov – IIV Ichki ishlar organlari xodimlarini boshlang‘ich tayyorlash va ularning malakasini oshirish markazi (Toshkent shahar) boshlig‘i lavozimiga,
podpolkovnik Shoxruhbek Nazirov – Andijon viloyati IIB Jinoyat qidiruv boshqarmasi boshlig‘i lavozimiga,
mayor Omadjon Akbarov – Andijon viloyati Buloqboshi tumani IIB boshlig‘i lavozimiga tayinlandi.
Eslatib o‘tamiz, o‘tgan hafta IIV tizimida birdaniga 20 ta yangi lavozim tayinlovi ro‘y bergandi.
