«Bavariya»ning sobiq murabbiyi Yupp Haynkes murabbiylik faoliyatini qayta boshlashi va klub bosh murabbiyligiga qaytishi mumkin.
Bild nashrining tasdiqlashicha, 72 yoshli mutaxassis myunxenliklar klubini joriy mavsum oxiriga qadar boshqaradi.
28 sentabr kuni Karlo Anchelotti iste'foga chiqarilganidan buyon «Bavariya»da bu lavozim bo‘sh qolmoqda. Ayni vaqtda Villi Sanol bosh murabbiy vazifasini vaqtincha bajaruvchi bo‘lib ishlamoqda.
Haynkes 2013 yilda «Bavariya» bilan Yevropa chempionlar ligasi, Bundesliga, mamlakat kubogi hamda superkubogida g‘olib chiqib, trebl qayd etgan va shundan keyin murabbiylik faoliyatini yakunlagandi.
