Foto: AP Photo / Marco Ugarte
9 oktabrda Meksikaning Janubiy Quyi Kaliforniya shtatining sayyohlik tumanlarida 9 kishi o‘ldirib ketildi: 8 kishi La-Pas shahrida, yana bir kishi Los-Kabos shahrida o‘ldirilgan.
Shtat bosh prokuraturasi ma'lumotlariga ko‘ra, La-Pasda bir guruh jinoyatchilar uylardan biriga bostirib kirib, u yerda 3 kishini o‘ldirgan. Yana 2 kishi shahar janubidagi ko‘prik ostida otib ketilgan, 3 kishi esa Fransisko Vilya va Los-Olivos tumanlarida halok bo‘lgan.
Los-Kabosda esa bir kishi o‘z mashinasini haydab ketayotganda otib ketilgan.
Hukumatning fikricha, zo‘ravonliklarning avj olishi narkotrafikka aloqador jinoiy guruhlar faollashganidan darak berishi mumkin.
