Foto: The Guardian
Imperator Napoleon toji uchun maxsus yasalgan oltin dafna bargi Parijdagi auksionda 625 ming yevro evaziga sotildi. Bu haqda The Guardian xabar bermoqda.
Avvaliga ushbu artefakt 100-150 ming yevroga sotilishi taxmin qilingandi.
Barg 1804 yildagi marosimdan avval tojdan olib qo‘yilgan, sababi Bonapart uni juda og‘ir deb hisoblagan. Imperator zargari Marten Giyom Benne u yerdan oltita shunday bargni qirqib olgan hamda o‘z qizlariga bergan. Sotilgan barg esa Benne oilasida shu vaqtga qadar avloddan avlodga o‘tib kelgan edi.