O‘zbekiston Respublikasi IIV Jinoyat qidiruv bosh boshqarmasi va Toshkent shahar IIBB Yo‘l-harakati xavfsizligi boshqarmasi xodimlari tomonidan Yunusobod tumanida joylashgan Yo‘l-harakati xavfsizligi boshqarmasiga qarashli 2-diagnostika stansiyasi yonida o‘tkazilgan tezkor tadbir natijasida, avtotransport vositalarining qayd etish guvohnomasiga texnik ko‘rikdan o‘tganlik haqida muhr qo‘yish bilan shug‘ullanayotgan shaxslar aniqlandi. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar bermoqda.
1975 yilda tug‘ilgan A.R. fuqarolardan 150000 so‘mdan olib, jinoiy sherigi 1974 yilda tug‘ilgan muqaddam sudlangan A.D. bilan birgalikda, A.D.ning xonadonida avtotransport vositalarining qayd etish guvohnomasiga “texnik soz” yozuvli qalbaki muhrni bosib, imzo qo‘yish bilan shug‘ullanib kelishgan.
Mazkur holat yuzasidan fuqaro A.R. va A.D.larga nisbatan jinoyat ishi qo‘zg‘atilgan.
