Afg‘oniston Ichki ishlar vazirligi mamlakat shimolida, xususan, Juzjon viloyatida xorijiy jangarilarning borligi haqida tarqalgan xabarlarni tekshiruvdan o‘tkazish boshlanganini ma'lum qildi, deb yozmoqda «Afganistan.ru».
Eslatib o‘tamiz, Darzob aholi punktidan IShIDga aloqador xorijiy jangarilar faoliyati haqida bir necha marta ma'lumot kelib tushgandi.
Hisobotlarga ko‘ra, xorijiy ekstremistlar safida nafaqat Afg‘oniston bilan qo‘shni bo‘lgan davlatlar – Pokiston, O‘zbekiston va Tojikiston fuqarolari, balki Checheniston, Fransiya, Jazoir hamda boshqa arab mamlakatlaridan bo‘lganlar ham bor.
«Ularning ba'zilari Darzobda oilalari bilan birga, boshqalar bir o‘zi yashaydi, - deya xabar bergan viloyat gubernatori Lutfulla Aziziy matbuotga. – Biz shuningdek shunday ma'lumotga egamizki, ularning orasida fransiyalik jangarilar ham bor».
