14:23 / 15.12.2017
9258

Toshkentda jangovar o‘qlarni qonunga xilof ravishda saqlagan shaxs aniqlandi

Toshkent shahar IIBB xodimlari tomonidan o‘tkazilgan “Tozalash-Antiterror” tadbiri davomida, Yunusobod tumani hududida istiqomat qiluvchi shaxs o‘z uyida jangovar qurol o‘qlarini saqlab kelayotganligi haqida ma'lumot kelib tushgan. Bu haqda poytaxt IIBB axborot xizmati xabar bermoqda.

Ushbu ma'lumot asosida, 2017 yilning 13 dekabr kuni xodimlar tomonidan fuqaro 1950 yilda tug‘ilgan Sh.V.ning yashash xonadoni tekshirilgan. Mazkur tekshiruv davomida Sh.V. xonadon omborxonasida harbiy qutichaga (kotelok) solingan AK-74 avtomatining 5,45 kalibrli jami 232 dona jangovar o‘qlarini saqlab kelayotganligi aniqlangan.

Mazkur holat yuzasidan yuqorida ko‘rsatib o‘tilgan qurol o‘qlari belgilangan tartibda olinib, Sh.V.ga nisbatan tegishli hujjatlar rasmiylashtirildi.

Mavzuga oid
Top