Suriyalik harbiylar Rossiyaning Hmeymimdagi aviabazasi yaqinida minalar mahkamlangan dronni urib tushirishdi. Bu haqda Directorate 4 ma'lum qildi.
Ta'kidlanishicha, dron qo‘lbola usulda, juda sodda ko‘rinishda tayyorlangan: yog‘och ramkaga skotch bilan dvigatel mahkamlangan bo‘lgan. Unga plastik korpusga ega ikkita qo‘lbola mina o‘rnatilgan bo‘lgan.
3 yanvarda Hmeymim bazasiga 31 dekabrda jangarilar tomondan hujum qilingani, buning oqibatida 7 ta samolyot yaroqsiz holga kelgani ma'lum qilingan. Keyinroq Rossiya mudofaa vazirligida aviabazaga haqiqatan ham hujum qilingani, hujum oqibatida 2 harbiy halok bo‘lgani, biroq samolyotlarga shikast yetmagani ma'lum qilingan.