Foto: TRT
Turkiya Konstitutsiyaviy sudi Zaman gazetasi jurnalistlari Shaxin Alpay va Mahmud Altanni qamoqdan ozod etish haqida qaror qabul qilib, o‘z vakolatlaridan chiqib ketdi. Bu haqda respublika bosh vaziri o‘rinbosari Bakir Bo‘zdog‘ juma kuni ma'lum qilgan.
"Konstitutsiyaviy sud apellyatsiya sudi emas. Konstitutsiyaviy sud o‘ziga belgilab berilgan vakolatlardan chiqib ketdi", - deya Bo‘zdog‘ning so‘zlarini keltiradi NTV telekanali.
Turkiya Konstitutsiyaviy sudi payshanba kuni Alpay va Altanni ozod etish haqida qaror chiqardi, ular 2016 yilgi hodisalarda qatnashganlikda ayblanib hibsga olingan. Sud jurnalistlar murojaatini ko‘rib chiqdi va buzilgan huquqlar bilan bog‘liq holat tufayli ularni ozod etish haqida qaror qabul qildi.
