Turkiya prezidenti Rajab Toyyib Erdo‘g‘an tomonidan 2019 yil 17 aprel kuni 968-sonli Qarorni imzoladi. Hujjatning ikkinchi bandida Istanbuldagi Sog‘liq bilimlari universitetining Buxoro shahrida kolleji ochilishi belgilangan, deya xabar beradi Resmi gazetasi.
Tibbiy xizmatlar kolleji Ibn Sino nomida bo‘ladi. Sog‘liq bilimlari universiteti rektori professor Javdat Erdo‘l kollej ochilishidan mamnunligini bildirgan .
«O‘zbekiston bizning ota yurtimizdir. O‘zbek qardoshlarimiz bilan madaniyatimiz ham, tariximiz va umidlarimiz ham bir. Bizning qardoshligimiz bugun paydo bo‘lib qolgani yo‘q, bu o‘tmishdan, tarixning tub-tubidan kelayotgan aloqalardir.
Qalbimiz jo‘g‘rofiyasining to‘rida joylashgan O‘zbekistonni tibbiyotdan tortib boshqa sohalarda ham qo‘llab-quvvatlashga shaymiz va bundan g‘urur tuyamiz.
O‘zbekistonning tibbiyot ta'limi bo‘yicha ehtiyojlarini hisob olgan holda dastur ishlab chiqib, kollejni ochamiz. O‘zbek o‘quvchilarimiz, 83 yildan so‘ng prezidentimiz Rajab Toyyib Erdo‘g‘an tashabbusi va qo‘llab-quvvatlashi bilan kuldan qayta bino bo‘lgan universitetda ta'lim olishdan butun umr faxrlanib yuradilar».
Ma'lumot uchun, Sulton Abdulhamid II 1894 - 1903 yillarda Maktabi Tibbiyoyi Shohonani qurdirgan. Aynan ushbu ta'lim maskani bugungi Sog‘liq bilimlari universitetiga poydevor bo‘lgan. Universitet Anqara, Mogadisho va Nyasa shaharlarida bo‘limlariga ega.
