14:07 / 12.08.2019
28181

Abdulla Aripov Turkmanistonga tashrif buyurdi

O‘zbekiston Respublikasi bosh vaziri Abdulla Aripov boshchiligidagi delegatsiya Turkmanistonga tashrif buyurdi. Bu haqda Kun.uz axborot manbasi xabar berdi.

Qayd etilishicha, Abdulla Aripov va O‘zbekiston delegatsiyasi 11-12 avgust kunlari Turkmanistonning Turkmanboshi shahridagi “Avaza” turizm zonasida tashkil etilgan 1-Kaspiy iqtisodiy forumida ishtirok etmoqda. Forumda Turkmaniston, Qozog‘iston, Rossiya, Ozarboyjon, Eron, Bolgariya va boshqa davlatlardan kelgan delegatsiyalar qatnashmoqda. 

O‘zbekiston hukumati rahbari Abdulla Aripov forum doirasida Eron birinchi vitse-prezidenti Ishoq Jahongiriyni qabul qilgan. Uchrashuvda mamlakatlar o‘rtasidagi hamkorlik aloqalarini yanada rivojlantirish, istiqboldagi vazifalarni belgilab olish bo‘yicha fikr almashildi. Tomonlar Qurbon hayiti bayrami munosabati bilan bir-birini tabriklagan. 

Bundan oldin, Turkmaniston qo‘shni davlatlarga innovatsion shahar barpo etish taklifi bilan chiqqandi.

Mavzuga oid
Top