Foto: ytimg.com
Rossiya Federatsiyasi Tergov qo‘mitasining Ural tergov boshqarmasi “Yekaterinburg-Samarqand” reysini amalga oshirayotgan Airbus A320 samolyotining “Koltsovo” aeroportiga favqulodda qo‘nishini tekshiruvdan o‘tkazmoqda.
Dastlabki ma'lumotlarga ko‘ra, bort 16 mayda mahalliy vaqt bilan soat 01:04da favqulodda qo‘ngan.
Samolyotda 47 kishi, jumladan, 6 nafar ekipaj a'zosi bo‘lgan. Qo‘nish chog‘ida hech kim jarohatlanmadi, havo kemasiga zarar yetmadi.
Tekshiruv davomida hodisaning sabablari aniqlanadi. Uning natijalariga asosan protsessual qaror qabul qilinadi.
