08:30 / 19.12.2018
7290

O‘zbekiston va Tojikiston o‘rtasida strategik sheriklik to‘g‘risidagi shartnoma ratifikatsiya qilindi

Foto: Ramiz Baxtiyarov

O‘zbekiston Respublikasi bilan Tojikiston Respublikasi o‘rtasida strategik sheriklik to‘g‘risidagi shartnomani (Toshkent, 2018 yil 17 avgust) ratifikatsiya qilish haqidagi Qonun prezident tomonidan imzolandi.

“Huquqiy axborot” kanalida aytilishicha, Qonun bilan O‘zbekiston Respublikasi bilan Tojikiston Respublikasi o‘rtasida strategik sheriklik to‘g‘risidagi shartnoma ratifikatsiya qilindi. 

Mazkur Qonun Oliy Majlis Qonunchilik palatasi tomonidan 2018 yil 30 noyabrda qabul qilingan hamda Senat tomonidan 2018 yil 13 dekabrda ma'qullangan edi.

Hujjatda davlatlararo munosabatlarning rivojlanish istiqbollari, xususan, siyosiy, savdo-iqtisodiy, transport-kommunikatsiya, suv-energetika, ekologiya, madaniy-gumanitar, harbiy-texnikaviy va boshqa sohalarda ikki tomonlama manfaatli munosabatlarning asosiy prinsiplari va ustuvor yo‘nalishlari belgilab berilgan.

Top